Hojjettoonni Baankii Awaashiifi Inshuraansii Awaash guyyaa hardhaa, Adoolessa 1, bara 2015 Ashaaraa Magariisaa Marsaa 5ffaaf gaggeeffamaa jiruu irratti Waajjira Miidhaginaafi Misooma Magariisaa magaalaa Finfinnee kutaa magaalaa Boolee waliin ta’uun biqiltuu kuma digdama (20, 000) Paarkii ICT keessa dhaabuun ashaaraa magariisaa isaanii kaa’anii jiru.
Itti gaafatamummaa hawaasummaa dhaabbataa bahachuu dhaabbileen kunneen baldhinaan itti hirmaatan keessaa tokko kan ta’e hojii eegumsa naannoo deeggaruu yoo ta’u keessumaa wagggoottan digdamii saglan (29) darban kana keessatti dhaabbilee faayinaansii dhuunfaa misoomaafi guddina biyyaa keessatti ashaaraa isaanii kaa’an keessaa adda duree ta’uun isaanii ni beekama.
