አዋሽ ባንክ በ10ኛው ዙር “በአዋሽ ይቆጥቡ ይቀበሉ ይሸለሙ” የሎተሪ መርሐ ግብር አሸናፊ ለሆኑ እድለኞች ያዘጋጀዉን ሽልማት አስረክቧል፡፡

ለአስረኛው ዙር መርሐ ግብር የተዘጋጁት የሽልማት ዓይነቶች በአራት ደረጃዎች የተከፋፈሉ ሲሆን ለአንደኛው ዕጣ የተዘጋጀው የሽልማት ዓይነት አንድ ዘመናዊ የቤት አውቶሞቢል ሱዙኪ ዲዛየር መኪና የሎተሪ ቁጥር 00021413447 የያዙት አቶ ታስልኦች ኳንግ ቤል በጋምቤላ ከተማ ጋምቤላ ኒው ላንድ ቅርንጫፍ የባንክ አገልግሎት ባገኙበት ወቅት በተሰጣቸው የሎተሪ ዕጣ ቁጥር አሸናፊ ሆነዋል፡፡ በተመሳሳይ መልኩ ለ2ኛ እጣ የተዘጋጁት (ሶስት ዕጣዎች) እያንዳንዳቸው ባለሶስት እግር ተሽከርካሪ መኪኖች ፣ ጨምሮ በርካታ ባለ 43 ኢንች ኤልኢዲ ቴሌቪዥኖች እና የሞባይል ስልክ ቀፎዎችን ዕጣ ለወጣላቸው ዕድለኞች ተበርክቶላቸዋል፡፡

አዋሽ ባንክ ያዘጋጀው የሎተሪ መርሐ ግብር የማህበረሰቡን የቁጠባ ባህል በማሳደግ የተሻለ የኑሮ ደረጃ ላይ እንዲደርሱ ግንዛቤን ከመፍጠሩም ባሻገር ለአገራችን የኢኮኖሚ ዕድገት አስፈላጊ እና ወሳኝ የሆነውን የውጭ ምንዛሪ ፍሰት በሕጋዊ መንገድ እንዲመጣ በማድረግ የሚገኘውም የውጭ ምንዛሪ ለአገራችን ልማትና ዕድገት እንዲውል ለማስቻል የሚደረገውን ጥረት በማገዝ ረገድ ያለው ፋይዳ ከፍተኛ መሆኑን ተጠቁሟል፡፡