አዋሽ ባንክ ጥቅምት 24 ፣ 2016 ዓ.ም (አዲስ አበባ)፣ ዘመናዊ እና አስተማማኝ የባንክ አገልግሎት ለደንበኞቹ ለማቅረብ ሁሌ የሚተጋው አዋሽ ባንክ የዲጂታል ቅርንጫፍ (e-Branch) የማስጀመሪያ መርሐ-ግብርን በአዲስ አበባ ጌቱ ኮሜርሻል ሴንተር እና ብስራተ ገብርኤል አካባቢ እንዲሁም ከአዲስ አበባ ውጪ በአዳማ ከተማ በይፋ በማስመርቅ አገልግሎት አስጀምሯል፡፡
ባንኩ ይፋ ያደረገው የዲጂታል ቅርንጫፎች ዘመናዊ ቴክኖሎጂዎችን ያሟሉ በመሆናቸው ደንበኞች ያለማንም ጣልቃ ገብነት በማንኛውም ጊዜ የሚፈልጉትን አገልግሎት እራሳቸውን በራሳቸው የማስተናገድ ዕድልን እንደሚፈጥር የባንኩ ዋና ስራ አስፈጻሚ አቶ ፀሀይ ሽፈራው በስነ-ስርዓቱ ላይ ገልፀዋል፡፡