ግሎባል ፋይናንስ መጋዚን ለ31ኛ ጊዜ ዓመታዊ የዓለም እና የየአገሮች ምርጥ ባንኮችን ምርጫን ይፋ ባደረገው መሠረት በምርጫው ከተካተቱት 36 የአፍሪካ ሃገራት ውስጥ ከተመረጡት ምርጥ የአፍሪካ ባንኮች መካከል አዋሽ ባንክ ከኢትዮጵያ ምርጥ ባንክ በመሆን ለ3ኛ ጊዜ ተመረጠ፡፡
እ.ኤ.አ. በ2024 ዓ.ም የተካሄደው ምርጫ ከ150 በላይ ባሉ አገራት የሚሠሩ ባንኮች የተካተቱበት ሲሆን የምርጫው ዋና ዋና መስፈርቶች የሚለኩና /quantitative objective/ በመረጃ ላይ የተደገፉ የማይለኩ /informed subjective/ መሥፈርቶችን ያካተተ ነው።
ለአሸናፊ ባንኮች የሚሰጠው ዕውቅናና ሽልማት ስነስርአትም የዓለም የገንዘብ ድርጅት (IMF) እና የዓለም ባንክ (WB) በዋሽንግተን ዲሲ እ.ኤ.አ. በኦክቶበር 2024 በሚያደርጉት የጋራ ጉባዔ ላይ እንደሚከናወን ታውቋል፡፡
ይህ የእውቅና ሽልማት የተገኘው ክቡራን ደንበኞቻችን በባንካችን ላይ ባላችሁ እምነት እና ከኛ ጋር ስለሰራችሁ ስለሆነ በዚሁ አጋጣሚ ለውድ ደንበኞቻችን የላቀ ምስጋናችንን እያቀረብን ለወደፊቱም በበለጠ ደረጃ ልናገለግላችሁ ዝግጁ መሆናችንን እንገልፃለን፡፡
አዋሽ ባንክ!