Magaalaa Finfinneefi Naannolee biyyattii gara garaa keessatti gamoo mataa isaa ijaaruun kan beekamu Baankiin Awaash, magaalaa Ambootti bu’uura lafa jalaa (Beezimantii) kan qabu gamoo ammayyawaa abbaa darbii torbaa (7) ijaaruuf muuxannoo ijaarsaa olaanaa kan qabu dhaabbata ijaarsaa Masaay Olii jedhamu faana walii galtee mallatteessee jira.
Ijaarsi gamoo haaraa damee baankii Awaash magaalaa Amboo kun surraa gaarii magaalattiif gumaachuu keessatti gahee mataa isaa akka qabaatuufi saffisaan eegalee yeroo gabaabaa keessatti xumuramuun tajaajilaaf kan oolu ta’uu hoji gaggeessaan olaanaa Baankii Awaash, obbo Tsahaay Shifarraa sirna walii galtee mallatteessuu irratti ibsanii jiru.